District chanchin
Mamit District chu Aizawl District atang Mizoram Sawrkar Notification No.A.600Ill2ll95-GAD ni 11.3.98 atang khan lo piang in, ni 24th April, 1998 khan Mamit Bawrhsap thar kaihhruai na hnuai ah hna an lo tan ve ta ni.
Kum 2011 chhiarpui neih ah khan mihring 86364 an awm a, a tam zawk te chu kut hnathawk mi ni in thintlang lama awm an ni a Mizoram Districtle zawng zawng a lekhathiam tlemna ber dawt tu a ni, mi za(100) a 17.25 vel chauh hi khawpui lama cheng an ni. Mamit District chhungah hian W.Phaileng khua hi mi cheng tamna ber mi 2,1,309 ni in mi cheng tlemna ber Saitlaw khua hi mi 59 chauh an ni.
Sik leh sa ah hian Mamit hi thlasik lai in temperature hi 9C atanga 24C a nia nipui lai in 24C atanga 36C thleng te a ni. Nipui lai hian fur ni in ruahtui a tlak nasat avangin sik leh sa hian kumtluan in a lum em em in a vawt em em lem lo ani. Mamit District dep hian khawhrang leh state hrang hrang te pawh an awm a chung zingah te chuan Hailakandi District, Assam State te North Tripura te leh chhim lamah Lunglei leh chhuak lamah Kolasib District te an ni, Bangladesh ram thleng hian Mamit District a dep ani. Mamit District dung leh vang hi 3025.75 km sq. ni in Mizorama District lian ber pali(4) na a ni.
Lui te hi Chhim atanga hmar zawnga luangin chungte chu Tlawng,Tut, Teirei, Langkaih lui te an ni a Khawthlangtuipui lui tih chauh lo chu.
Mamit district mipuite eizawnna pui ber chu sumdawn leh tlangram lo neih a ni a. A mi chengten ei atana an rin pui ber chu BUH a ni. Tlangram lo neih hi an eizawnna leh sum hmuhna hnar ber a ni.
Mamit district ah hian lei a tha in ruahtui tlak laiin buh an ching thin a. Antam, zikhlum, buluih, carrot, tomato, alu leh chana te hi ruahtui tlak zawhah an ching bawk thin. Hatkora leh Serthlumte hi Mamit District ah hian a tha duh hle bawk. A ram a thil to chite hi thil chi hrang hrang niin mau leh hrui, thing tuah chi leh thingzai te hi sum dawnna atan an la thin a ni. District mipui tam ber in an thawh bawk chu ran vulh (vawk leh ar) a ni.